ANSTV
ANSÇM
Azərbaycan və ABŞ Cənub Qaz Dəhlizini genişləndirmək istəyir
Bu barədə energetika naziri Pərviz Şahbazov özünün "X" sosial şəbəkə hesabında məlumat verib
1 dəqiqə
Azərbaycan və ABŞ Cənub Qaz Dəhlizinin (CQD) genişləndirilməsini müzakirə ediblər. Bu barədə energetika naziri Pərviz Şahbazov özünün "X" sosial şəbəkə hesabında məlumat verib.
“CQD Məsləhət Şurasının iclası ərəfəsində biz ABŞ Enerji Resursları Bürosunun katibinin köməkçisinin müavini Kimberli Harrinqton ilə görüşdük və iki ölkə arasında enerji sektorunda əlaqələrin inkişafı, SGC-nin genişləndirilməsi, yaşıl enerji layihələrinin həyata keçirilməsi, o cümlədən COP29 çərçivəsində əməkdaşlıq məsələlərini müzakirə etdik”.
Qeyd edək ki, ABŞ Dövlət katibinin köməkçisinin müavini Kimberli Harrinqton Bakıda hökumət rəsmiləri ilə görüşəcək və Cənub Qaz Dəhlizi Məşvərət Şurasının 10-cu Nazirlər Toplantısında ABŞ-ı təmsil edəcək, həmçinin Azərbaycanın COP29-un ev sahibi kimi rolunu müzakirə edəcək.
Martın 1-də Cənub Qaz Dəhlizi (CQD) üzrə Məşvərət Şurasının 10-cu iclası keçiriləcək. Görüş zamanı həm SGC-nin genişləndirilməsi və onun tərkibinə yeni iştirakçı ölkələrin daxil edilməsi, həm də yaşıl enerji layihələri ilə bağlı bir sıra sənədlərin imzalanması planlaşdırılır.
