Azərbaycanda ən çox donuz Qax rayonundadır

Dövlət Statistika Komitəsi məlumat yayıb

Oxuma müddəti:

1 dəqiqədən az

Azərbaycanda donuzların sayı azalıb.

Dövlət Statistika Komitəsindən əldə etdiyi məlumata görə, Azərbaycanda 4469 baş donuz saxlanılır.

Qeyd edək ki, bu, 2024-cü ilin əvvəlinə olan məlumatdır. Statistika Komitəsinin məlumatına görə, ötən ilin əvvəlində Azərbaycanda donuzların sayı 5130 olub. 2021-ci ildə isə Azərbaycanda 6 minə yaxın donuz saxlanılıb.

Son məlumatlara görə, Azərbaycanda ən çox donuz Qax (1266), Bakı (1092), Qəbələ (770), Naxçıvan (400) və İsmayıllıda (201) saxlanılır.

Qax rayonunda donuzların sayında artım müşahidə olunur. Belə ki, 2022-ci ildə bu rayonda 1190 baş donuz saxlanılırdısa, ötən bu rəqəm 1266 baş olub. Əksinə, Bakıda donuzların sayında ciddi azalma olub. Paytaxtda saxlanılan donuzlar 2022-ci ildə 1632 başdan 1266 başa enib.

Ümumilikdə Azərbaycanda son 17 ildə donuz 3 dəfədən çox azalıb. Əgər 2007-ci ildə ölkədə 18676 baş donuz olubsa, ötən il bu rəqəm 4469-a enib.