ANS Press

ANS Press

Feb 20, 2024 - 14:48 Yeniləndi: Feb 20, 2024 - 15:01

XƏBƏRLƏR / İctimaiyyət

Azərbaycandan Ukraynaya növbəti humanitar yardım göndərilib

Elektrik avadanlıqlarından ibarət olan yük bu gün Sumqayıt Texnologiyalar Parkından Ukraynaya yola salınıb

Azərbaycandan Ukraynaya növbəti humanitar yardım göndərilib

  • Oxuma müddəti:

    1 dəqiqədən az

    • Azərbaycandan Ukraynaya elektrik avadanlıqlarından ibarət növbəti humanitar yardım göndərilib.

    Prezident İlham Əliyevin 2023-cü il 17 iyul tarixli Sərəncamına uyğun olaraq, ölkəmiz tərəfindən Ukrayna xalqına humanitar yardım göstərilməsi məqsədilə nəzərdə tutulmuş elektrik avadanlıqlarının sonuncu hissəsi bu gün Sumqayıt Texnologiyalar Parkından Ukraynaya yola salınıb. 

     Energetika Nazirliyinin tədarük etdiyi humanitar yükə 670 min metrdən çox elektrik kabelləri və naqilləri, həmçinin 26 ədəd transformator və komplekt transformator məntəqəsi daxildir. 25 TIR-dan ibarət yük avtomobili karvanının daşıdığı humanitar məqsədli mallar Ukraynadakı mövcud vəziyyətlə əlaqədar zərər çəkmiş ərazilərin elektrik enerjisi ilə dayanıqlı təchizatının bərpasına dəstək üçün göndərilir.