ANS Press

ANS Press

Dec 3, 2024 - 16:45 Yeniləndi: Dec 3, 2024 - 17:16

XƏBƏRLƏR / Energetika

Baba Rzayev bp nümayəndələri ilə görüşüb

Bu barədə “Azərenerji” ASC məlumat yayıb

Baba Rzayev bp nümayəndələri ilə görüşüb

  • Oxuma müddəti:

    1 dəqiqə

    • “AzərEnerji” ASC-nin rəhbəri Baba Rzayevlə bp şirkətinin Azərbaycan, Gürcüstan və Türkiyə üzrə prezidenti Qəri Counzun rəhbərlik etdiyi nümayəndə heyətinin görüşü olub.

    ASC-dən bildirilib ki, bp şirkəti ilə Azərbaycan enerjisistemi arasındakı əməkdaşlıq münasibətlərinin müzakirə edildiyi görüşdə Səngəçal terminalının elektrik şəbəkəsinə qoşulma layihəsinin gedişatı, bu layihənin dekarbonizasiya məqsədində önəm daşıması ilə bağlı Prezident İlham Əliyevin COP29-un açılış mərasimində dediyi fikirlər xüsusi olaraq vurğulanıb.

    Görüşdə Cəbrayılda tikilən 240 meqavatlıq bp “Şəfəq” Günəş Elektrik Stansiyasının enerjisistemə inteqrasiyası üçün “AzərEnerji” tərəfindən tikilən 330 kV-luq yarımstansiya və bu yarımstansiyanın 330 kV-luq “Cəbrayıl” Enerji Qovşağı ilə əlaqələndirilməsi üçün 330 kV-luq ötürmə xətlərinin çəkilməsi və digər mövzular ətrafında geniş fikir mübadiləsi aparılıb.