Bakıda atışma - 2 nəfər güllələndi YENİLƏNİB

Hadisə Bakı Dövlət Sirkinin yaxınlığında qeydə alınıb

Oxuma müddəti:

1 dəqiqə

15:30

Bu gün Bakının Nəsimi rayonu, Səməd Vurğun küçəsində 2 nəfəri güllələyən şəxs tutulub.

Polis əməkdaşları tərəfindən keçirilən əməliyyatla hadisəni törətməkdə şübhəli bilinən bir nəfər şəxs saxlanılıb.

Əlavə məlumat veriləcək.

***

Bakıda atışma olub. Hadisə Bakı Dövlət Sirkinin yaxınlığında qeydə alınıb.

Silahlı insidentlə bağlı əraziyə hüquq-mühafizə orqanlarının əməkdaşları cəlb edilib. Hadisə nəticəsində 3 nəfərin xəsarət aldığı bildirilir.

Daxili İşlər Nazirliyinin mətbuat xidmətindən bildirilib ki, araşdırma aparılır.

Bakı Dövlət Sirkinin yaxınlığında baş verən hadisə ilə əlaqədar TƏBİB-in tabeliyindəki Bakı Şəhəri Təcili və Təxirəsalınmaz Tibbi Yardım Stansiyasının briqadaları əraziyə cəlb edilib.

Son məlumata görə, hadisədə 2 nəfər xəsarət alıb. Xəsarət alanlar - 2002-ci il təvəllüdlü Fəqan Rəhimli, 1983-cü təvəllüdlü Tamerlan Hüseynov xəstəxanaya çatdırılıb.

Əldə etdiyimiz məlumata görə, 2002-ci il təvəllüdlü Fəqan Rəhimli Azərbaycan Tibb Universitetinin tələbəsidir. Məlumatı ATU-nun mətbuat xidmətindən təsdiq ediblər.