ANS Press
ANSTV
ANSÇM
1 dəqiqə
DİN Xəzər rayonunun Binə qəsəbəsi ərazisində baş vermiş bıçaqlanma hadisəsi ilə bağlı açıqlama yayıb.
DİN-in Mətbuat Xidmətinin əməkdaşı İbrahim Əmiraslanlı bildirib ki, sentyabrın 29-da saat 23 radələrində paytaxtın Xəzər rayonunun Binə qəsəbəsi ərazisində qəsəbə sakinləri 1997-ci il təvəllüdlü Nicat Hüseynovun və 1990-cı il təvəllüdlü Zaur Sultanovun şəxsi münasibətlər zəminində aralarında yaranmış münaqişə zamanı bir-birilərinə kəsici alətlə xəsarətlər yetirmələri barədə polisə məlumat daxil olub.
Hadisə ilə bağlı Xəzər Rayon Polis İdarəsində araşdırma aparılır.
Qeyd edək ki, bıçaqlanma hadisəsi Binədəki "Sovxoz" adlanan ərazidə baş verib. 1997-ci il təvəllüdlü Nicat Hüseynov tanışı 1990-cı il təvəllüdlü Zaur Sultanovla əlbəyaxa dava edib.
Dava zamanı hər iki şəxs bir-birinə bıçaq zərbələri vurub.
N.Hüseynov və Z.Sultanov xəstəxanaya yerləşdirilib.
Həkimlərin verdiyi məlumata görə, Z.Sultanovun vəziyyəti ağırdır.
