ANSTV
ANSÇM
Ballıca kənd sakinlərinə əkin sahələri icarəyə verilir
Məlumat Reabilitasiya, Tikinti və İdarəetmə Xidmətinin İctimaiyyətlə əlaqələr şöbəsindən verilib
1 dəqiqə
Xocalının Ballıça kəndinin sakinlərinə əkin sahələrinin icarəyə verilməsi prosesinə başlanılıb.
Bu barədə Reabilitasiya, Tikinti və İdarəetmə Xidmətinin Xankəndi şəhəri, Ağdərə və Xocalı rayonları üzrə İctimaiyyətlə əlaqələr şöbəsindən məlumat verilib.
Kənd Təsərrüfatı Nazirliyi tərəfindən rezidentlər üçün elektron müraciətlər əsasında treninqlər keçirilib və onlara kənd təsərrüfatının səmərəli idarə olunması ilə bağlı tövsiyələr verilib.
Təlim məşğələlərində yüksək nəticə göstərən 104 nəfərə sertifikatlar verilib.
Ballıça kəndində keçirilən tədbirdə Kənd Təsərrüfatı Nazirliyinin, Azərbaycan Prezidentinin Xankəndi şəhəri, Ağdərə və Xocalı rayonları üzrə xüsusi nümayəndəsi, eləcə də Bərpa, Tikinti və İdarəetmə Xidmətinin əməkdaşları iştirak ediblər.
Ballıça və Xanyurdu kəndlərində ümumilikdə 552 hektar əkin sahəsi ayrılıb ki, bu da mərhələli şəkildə sakinlərə veriləcək - hər ailəyə 5 hektar.
Məlumata görə, bu günədək Ballıca kəndinin 123 sakini Kənd Təsərrüfatı Nazirliyinə elektron ərizə verib.
