Bolqarıstan "Avroviziya - 2026"nın qalibi olub

Bolqarıstan təmsilçisi Dara Avstriyada keçirilən "Avroviziya - 2026"da "Bangaranga" rəqs mahnısı ilə qalib gəlib.

Onun musiqisi 516 səs toplayıb.

Beynəlxalq mahnı müsabiqəsində ikinci yeri İsrail təmsilçisi Noam Bettan "Michelle" balladası ilə tutub.

70 yaşlı beynəlxalq mahnı müsabiqəsinin finalı 10 000 tamaşaçının toplaşdığı "Wiener Stadthalle" konsert zalında keçirilib. Müsabiqəyə pop müğənnisi Viktoriya Svarovski və aktyor Mixael Ostrovski aparıcılıq ediblər.

Avstriya müsabiqəyə üçüncü dəfə ev sahibliyi edib; bu ölkədə 1967 və 2015-ci illərdə də mahnı müsabiqəsi keçirilib. Avstriya 2026-cı ildə "Eurovision" mahnı müsabiqəsinə ev sahibliyi etmək hüququnu müğənni JJ-nin 2025-ci ildə "Wasted Love" mahnısı ilə qələbəsindən sonra əldə edib.

Müsabiqə 2026-cı ildə son 20 ildə ən az iştirakçı sayına görə rekord qırıb. 2016-cı ildə "Avroviziya"ya 42 ölkə, 2026-cı ildə isə 35 ölkə qatılıb. İrlandiya, İslandiya, İspaniya, Niderland və Sloveniya müsabiqəyə qatılmayıblar. Bu ölkələr İsrailin Qəzza sakinlərinə qarşı hərəkətlərinə etiraz olaraq onun "Avroviziya - 2026"da iştirakı səbəbindən müsabiqəni tərk ediblər.

Avropa Yayım Birliyi Ukraynaya qarşı münaqişə səbəbindən Rusiyanı 2022-ci ildən etibarən "Avroviziya"dan uzaqlaşdırıb.

Qeyd edək ki, paytaxt Vyanada keçirilən yarışda 26 ölkə mübarizə aparıb:

Belçika
Xorvatiya
Finlandiya
Yunanıstan
İsrail
Litva
Moldova
Polşa
Serbiya
İsveç
Albaniya
Avstraliya
Bolqarıstan
Kipr
Çexiya
Danimarka
Malta
Norveç
Rumıniya
Ukrayna

Fransa, Almaniya, İspaniya, İtaliya, Böyük Britaniya və ev sahibi Avstriya birbaşa finala çıxıb.