BQXK-nın daha 3 maşını Laçın yolundan maneəsiz keçdi

Erməni tərəfi xəbər verir ki, 2 xəstə Ermənistanın tibb mərkəzlərinə aparılıb

Oxuma müddəti:

1 dəqiqədən az

Şuşadan keçən Xankəndi-Laçın yolunda Beynəlxalq Qızıl Xaç Komitəsinə (BQXK) məxsus 3 avtomobilin keçməsinə şərait yaradılıb.

Erməni tərəfi xəbər verir ki, 2 xəstə Ermənistanın müxtəlif ixtisaslaşdırılmış tibb mərkəzlərinə aparılıb.

Avtomobillər Xankəndidən Laçın istiqamətinə maneəsiz şəkildə hərəkət ediblər. Bu, bir daha göstərir ki, humanitar məqsədli maşınların keçidi üçün heç bir məhdudiyyət yoxdur.

Xatırladaq ki, Azərbaycanın Qarabağ iqtisadi rayonunda faydalı qazıntı yataqlarının qanunsuz istismarı əleyhinə Şuşadan keçən Xankəndi-Laçın yolunda keçirilən etiraz aksiyası 24 gündür davam edir.