Bu gün futbol üzrə Avropa çempionatının qalibi bəlli olacaq

22:33

Almaniyada təşkil olunan futbol üzrə Avropa çempionatının final oyununda üz-üzə gələcək İspaniya və İngiltərə yığmalarının start heyətləri açıqlanıb.

Komandalar meydana aşağıdakı "11-lik"lərlə çıxacaqlar:

İspaniya: Unay Simon, Dani Karvahal, Robin Le Norman, Aymerik Laport, Mark Kukurelya, Rodri, Fabian Ruis, Lamin Yamal, Dani Olma, İnaki Vilyams, Alvaro Morata.

Baş məşqçi: Luis de la Fuenta

İngiltərə: Cordan Pikford, Kayl Uoker, Con Stounz, Mark Geyi, Lük Şou, Deklan Rays, Kobbi Meyno, Bukayo Saka, Fil Foden, Cud Bellingem, Harri Keyn

Baş məşqçi: Qaret Sautgeyt

Qeyd edək ki, Berlin Olimpiya Stadionunda oynanılacaq qarşılaşma Bakı vaxtı ilə saat 23:00-da başlayacaq. Görüşü fransalı FIFA referisi Fransua Leteksye idarə edəcək.

***

10:21

Almaniyada təşkil olunan futbol üzrə Avropa çempionatında bu gün final oyunu keçiriləcək.

Həlledici matçda İspaniya və İngiltərə yığmaları üz-üzə gələcəklər.

Berlin Olimpiya Stadionunda oynanılacaq qarşılaşma Bakı vaxtı ilə saat 23:00-da başlayacaq. Görüşü fransalı FIFA referisi Fransua Leteksye idarə edəcək.

Pireneylilər sayca 4-cü, "Dumanlı Albion" təmsilçisi isə ilk qitə çempionluğunu qazanmağa çalışacaq.

Bu, iki komandanın öz aralarında 28-ci dueli olacaq. Əvvəlki matçların 10-u ispanların, 13-ü ingilislərin xeyrinə, 4-ü isə heç-heçə başa çatıb. Qolların nisbətində də İngiltərə millisinin üstünlüyü nəzərə çarpır - 45:32.