ANSTV
ANSÇM
Bu həftənin sonunadək 40 dərəcə isti gözlənilir
Bu barədə Milli Hidrometeorologiya Xidmətindən məlumat verilib
1 dəqiqədən az
Bu həftənin sonunadək ölkə ərazisində hava şəraitində dəyişiklik gözlənilməsə də, son günlər müşahidə olunan cənub-şərq küləyi Abşeron yarımadasında şimal, şimal-şərq küləyi ilə əvəz olunacaq.
Bu barədə Milli Hidrometeorologiya Xidmətindən məlumat verilib.
Bildirilib ki, atmosfer təzyiqi tədricən yüksəlsə də, temperatur rejimində mühüm dəyişiklik proqnozlaşdırılmır. Ötən günlərdə olduğu kimi, havanın maksimal temperaturunun Bakıda və Abşeron yarımadasında 35-38, bəzi yerlərdə 40 dərəcəyə yaxın, Naxçıvan Muxtar Respublikasında, eyni zamanda, Aran rayonlarında 36-39, bəzi yerlərdə 41, dağlıq rayonlarda isə 33 dərəcəyədək isti olacağı gözlənilir.
