ANSTV
ANSÇM
Ceyhun Bayramov Şimali Kiprin XİN başçısı ilə görüşdü
Bunu Şimali Kiprin XİN başçısı twitter hesabında yazıb
1 dəqiqədən az
Azərbaycanın xarici işlər naziri Ceyhun Bayramov Özbəkistanın paytaxtı Daşkənd şəhərində Şimali Kipr Türk Respublikasının xarici işlər naziri Tahsin Ertuğruloğlu ilə görüşüb. Bunu Şimali Kiprin XİN başçısı twitter hesabında yazıb.
“Daşkənddə Azərbaycanın xarici işlər naziri Ceyhun Bayramovla səmərəli müzakirə apardıq. Şimali Kipr xalqına verdiyi dəstəyə görə ona təşəkkür edirəm”, - deyə nazir bildirib.
Qeyd edək ki, yanvarın 24-də Daşkənddə İqtisadi Əməkdaşlıq Təşkilatının (İƏT) Nazirlər Şurasının 26-cı iclası keçirilib. C.Bayramov toplantıda iştirak edib.
