ANSTV
ANSÇM
Deputat seçkilərində 991 namizəd mübarizə aparacaq
Bunu Mərkəzi Seçki Komissiyası sədrinin müavini Rövzət Qasımov deyib
1 dəqiqədən az
Milli Məclisə seçkilərdə 991 namizəd mübarizə aparacaq.
Bu sözləri jurnalistlərə müsahibəsində Mərkəzi Seçki Komissiyası sədrinin müavini Rövzət Qasımov deyib.
Onun sözlərinə görə, artıq seçki prosesinin son mərhələsidir: "Komissiyanın qərarı ilə 6 516 567 seçki bülleteni çap olunub. Bülletenlərdə 991 namizədin adı qeyd edilib. Bu, o deməkdir ki, sentyabrın 1-də keçirilən seçki prosesində geniş seçim imkanı var".
MSK rəsmisi bildirib ki, bu vaxta qədər namizədlərin bütün təşviqat zamanı bir-birinə qarşı addımları sakit atmosferdə davam edir.
Qeyd edək ki, sentyabrın 1-də Azərbaycanda növbədənkənar parlament seçkiləri keçiriləcək.
