Dünya Bankı Azərbaycanın iqtisadi artım proqnozunu azaldıb

Bu barədə Dünya Bankının qlobal iqtisadiyyata dair hesabatında deyilir

Oxuma müddəti:

1 dəqiqədən az

Dünya Bankı (DB) Azərbaycan üzrə iqtisadi artım proqnozunu yeniləyib.

Dünya Bankı Azərbaycanda ümumi daxili məhsulun (ÜDM) artımını 2024-cü ildə 2,3%, 2025-ci ildə isə 2,4% proqnozlaşdırır. Bu, bankın cari ilin yanvar ayı üçün proqnozundan 0,1% azdır.

Dünya Bankı həmçinin 2026-cı ildə Azərbaycanda iqtisadi artımın 2,4% olacağını açıqlayıb.

Ümumilikdə, Dünya Bankının məlumatına görə, Cənubi Qafqaz ölkələrində iqtisadi artımın 2024-26-cı illərdə təxminən 3,5 faiz səviyyəsində sabitləşəcəyi proqnozlaşdırılır.

“Azərbaycanın karbohidrogen ixracının 2023-cü ildə nəzərəçarpacaq dərəcədə aşağı olan bərpası gözlənilir.
Bu, son illərdə Ermənistan və Gürcüstanda qeyri-adi güclü artımdan sonra ləngiməni tarazlaşdıracaq. Ukraynanın işğalı nəticəsində regionda ticarət artmaqda davam edəcək”, - deyə hesabatda əlavə edilib.