ANS Press

ANS Press

Feb 16, 2024 - 11:37 Yeniləndi: Feb 16, 2024 - 12:11

XƏBƏRLƏR / Nəqliyyat

DYP-dən səs siqnalları ilə bağlı sürücülərə müraciət

"Yol hərəkəti haqqında" Qanuna əsasən, səs siqnallarından yalnız aşağıdakı hallarda istifadə oluna bilər

DYP-dən səs siqnalları ilə bağlı sürücülərə müraciət

  • Oxuma müddəti:

    1 dəqiqə

    • DİN-in Baş Dövlət Yol Polisi İdarəsi səs siqnallarından istifadə qaydaları barədə məlumat yayıb.

    İdarədən daxil olan məlumatda deyilir ki, son zamanlar paytaxt ərazisində bir çox hallarda səs siqnallarından yersiz istifadə olunması, digər hərəkət iştirakçılarının, eləcə də ətrafda yaşayan sakinlərin ciddi narazılığına və narahatlığına səbəb olur:

    "Yol hərəkəti haqqında" Qanuna əsasən səs siqnallarından yalnız aşağıdakı hallarda istifadə oluna bilər:

    1) yaşayış məntəqələrindən kənarda ötmə niyyəti haqqında başqa sürücüləri xəbərdar etmək üçün zəruri olan hallarda;

    2) yol-nəqliyyat hadisəsinin qarşısını almaq üçün.

    Bu hallardan başqa, səs siqnallarından istifadə olunması İnzibati Xətalar Məcəlləsinin 329.3-cü maddəsinə əsasən inzibati məsuliyyət yaradır".

    BDYPİ bir daha bütün sürücülərdən qanunda nəzərdə tutulan qaydalara ciddi riayət etmələrini xahiş edir.