Əlcəzair Parlamenti Fransanı cinayətkar elan etdi

Əlcəzair Parlamenti Fransanın müstəmləkəçiliyini cinayət elan edib.

Əlcəzair Parlamenti ölkənin Fransanın müstəmləkəçiliyini rəsmi olaraq cinayət elan edən qanunu yekdilliklə qəbul etdi. Bu barədə qanunverici orqanın mətbuat xidməti məlumat verib.

Tarix və Yaddaş üzrə Milli Komissiyanın koordinatoru Məhəmməd Lahçen Zequidi qanunun qəbul edilməsini "tarixi an" adlandıraraq, onun milli yaddaş üçün əhəmiyyətini qeyd etdi. Əlcəzair Millət Şurasının sədri Əzzuz Nasseri qanunun "ədaləti təsbit etdiyini və Əlcəzair xalqının qurbanlarını haqq qazandırdığını" bildirərək, ölkənin suverenliyinə qəsd etməyin yolverilməzliyini vurğulayıb. Sənəddə Fransanın "müstəmləkə keçmişi və onun yaratdığı faciələrə görə hüquqi məsuliyyət daşıdığı" vurğulanır.

Səsvermədən əvvəl Parlament sədri Brahim Buqali təşəbbüsü "Əlcəzairin milli yaddaşının silinməyəcəyinə və ya müzakirə olunmayacağına dair açıq bir siqnal" adlandırdığı bir çıxış edib.

Qanun qəbul edildikdən sonra parlament üzvləri dövlət bayrağının rənglərindəki şarflara bürünərək ayağa qalxdılar, alqışladılar və "Yaşasın Əlcəzair!" şüarını səsləndiriblər.

Əlcəzair 1830-cu ildən 1962-ci ilə qədər - 130 ildən çox - Fransanın müstəmləkə hakimiyyəti altında idi. Ölkə 1954-1962-ci illərdəki azadlıq müharibəsi nəticəsində müstəqillik qazanıb.

Fransa Prezidenti Emmanuel Makron 2023-cü ildə müstəmləkəçiliyi "insanlığa qarşı cinayət" adlandırdı, lakin Əlcəzairin istədiyi rəsmi üzr istəməkdən imtina edib.

Səsvermə ərəfəsində Fransa Xarici İşlər Nazirliyinin sözçüsü Paskal Konfavrö Parisin "xarici ölkələrdə baş verən siyasi müzakirələr" barədə şərh verməyəcəyini bildiriblər.