ANSTV
ANSÇM
Emmanuel Makron “inzibati çevriliş” hazırlayır
Bu fikri Fransanın müxalifət lideri Marin Le Pen "France Inter" radiosunun efirində deyib
1 dəqiqə
Fransa Prezidenti Emmanuel Makron hökumət strukturlarında “inzibati çevriliş” hazırlayır, gələcək müxalifət baş nazirinin ölkəni idarə etməsinin qarşısını almaq üçün son anda dəyişikliklər edir.
Bu fikri “Milli Birlik” partiyasının parlament fraksiyasının lideri Marin Le Pen "France Inter" radiosunun efirində deyib.
“Oxuyanda ki, prezident sabah, yəni seçkilərin ikinci turuna dörd gün qalmış milli polisə yeni rəis təyin etməyə hazırlaşır, baxmayaraq ki, o, Olimpiya Oyunlarının sonuna qədər qalmalı idi. Milli Jandarm İdarəsinin müdiri, onlarla prefektor və bir çox insan, məqsədi Jordan Bardellanın ölkəni istədiyi şəkildə idarə etməsinə mane olmaqdır, bunun bir inzibati çevriliş forması olduğuna inanıram" dedi.
Siyasətçi ümid etdiyini bildirib ki, bu cür məlumatlar sadəcə şayiələrdir, lakin qeyd edib ki, hələ seçkilərin birinci turundan əvvəl, keçən çərşənbə günü “Nazirlər Şurasının adi iclaslarından daha çox təyinat olub”.
“Əgər siz parlamenti buraxsanız, eyni zamanda deyərək, opponentlərinizi hakimiyyətə gətirməsəniz, o zaman parlamenti buraxmağa ümumiyyətlə ehtiyac yoxdur”, - deyə Le Pen yekunlaşdırıb.
