ANSTV
ANSÇM
Ər-Riyadda ABŞ-Ukrayna danışıqlarının yeni mərhələsi bitdi
Bu barədə "Bloomberg" agentliyi məlumat yayıb YENİLƏNİB
1 dəqiqə
16:40
ABŞ və Ukrayna nümayəndələri arasında keçirilən Ər-Riyad görüşünün ikinci mərhələsi başa çatıb.
“Agence France-Presse”in xəbərinə görə, bu barədə Ukraynanın nümayəndə heyətindəki mənbə məlumat verib.
O, deyib ki, görüş bitsə də, ABŞ rəsmiləri ilə birgə fəaliyyət davam etdirilir.
***
"Bloomberg" mənbəyə istinadən xəbər verir ki, ABŞ və Ukrayna nümayəndə heyətləri Ər-Riyadda danışıqların yeni mərhələsini keçirir.
Agentliyin məlumatına görə, Qara dənizdə enerji infrastrukturuna hücumların və hərbi əməliyyatların 30 günlük dayandırılması müzakirə edilir.
AFP agentliyi, eləcə də Ukraynanın “Suspilne” nəşri də Ukrayna və Amerika nümayəndə heyətlərinin Ər-Riyadda görüş keçirdiyini təsdiqləyir.
Səudiyyə Ərəbistanında Amerika-Ukrayna danışıqları martın 23-ü axşam saatlarında baş tutub. Martın 24-də Ər-Riyadda Rusiya və ABŞ nümayəndələri arasında çoxsaatlıq məsləhətləşmələr baş tutub.
