![Ərdoğan Paşinyanla danışıqlar apardı](/uploads/images/2024/06/rs/image_750x_667275d96386a-750-1080-resize.webp)
Türkiyə Prezidenti Rəcəb Tayyib Ərdoğan Ermənistanın baş naziri Nikol Paşinyanla telefon danışığı aparıb.
Bu barədə "TRT Haber" məlumat yayıb.
Telefon danışığı zamanı hər iki lider Türkiyə ilə Ermənistan arasında münasibətləri ilkin şərt olmadan tam şəkildə normallaşdırmaq üçün siyasi iradənin mövcudluğunu təsdiqləyib.
Onlar normallaşma prosesi üzrə xüsusi nümayəndələr arasında danışıqların davam etdirilməsinin vacibliyinə diqqət çəkib.
Ərdoğanla Paşinyan Türkiyə və Ermənistanın yüksək səviyyəli rəsmiləri arasında davam edən dialoqu məmnunluqla qarşıladıqlarını qeyd ediblər. Onlar, həmçinin regionda baş verən son hadisələri və beynəlxalq gündəmi müzakirə ediblər.
Türkiyə Prezidenti Ermənistanın şimal rayonlarında baş vermiş sel fəlakəti ilə bağlı baş nazir Paşinyana başsağlığı da verib.
Danışıq zamanı Paşinyan Prezident Ərdoğanı Qurban bayramı münasibətilə, Ərdoğan Paşinyanı isə qarşıdan gələn Vardavar günü münasibəti ilə təbrik edib.