Ərdoğan Qırğızıstanda rəsmi səfərdədir VİDEO/YENİLƏNİR

13:40

Türkiyə Prezidenti R.T.Ərdoğan Qırğızıstan Prezidentinə Türkiyənin “TOGG” markalı avtomobilini hədiyyə edib.

***

13:20

Japarov Ərdoğanı Qırğızıstanın ali dövlət mükafatı - birinci dərəcəli “Manas” ordeni ilə təltif edərək, iki ölkə xalqları arasında qardaşlıq əlaqələrinin möhkəmlənməsinə görə minnətdarlığını bildirib.

***

12:50

Türkiyə Qırğızıstanın 62,3 milyon dollar borcunu silib.

Sadır Japarovun sözlərinə görə, Türkiyə tərəfi yaşıl iqtisadiyyat layihələri müqabilində Qırğızıstanın bu ilin sonunda formalaşmış xarici borcunu silib.

***

Qırğız Respublikasının Prezidenti Sadır Japarov və Türkiyə Respublikasının Prezidenti Rəcəb Tayyib Ərdoğan bu gün, noyabrın 5-də dar tərkibdə danışıqlar aparıb.

Türkiyə Respublikasının Prezidenti Rəcəb Tayyib Ərdoğan Qırğız Respublikasına dövlət səfərinə gəlib.

Danışıqlar başlamazdan əvvəl “Yntymak Ordo”da iki ölkə liderlərinin əl sıxma və birgə foto çəkdirmə mərasimi olub. Bundan sonra Sadır Japarov və Rəcəb Tayyib Ərdoğan dar tərkibdə danışıqlar aparmaq üçün görüş otağına yollanıb.

Prezident Sadır Japarov Türkiyə Prezidentini səmimiyyətlə salamlayaraq, bu dövlət səfərinin Qırğızıstan-Türkiyə münasibətlərinin daha da inkişafı baxımından əhəmiyyətli olduğunu vurğuladı.

Öz növbəsində Rəcəb Tayyib Ərdoğan qonaqpərvərliyə görə minnətdarlığını bildirib və Qırğızıstana qardaş xalqa dərin məhəbbət hissi ilə gəldiyini vurğulayıb.