ANS Press

ANS Press

Sep 11, 2025 - 12:10 Yeniləndi: Sep 11, 2025 - 12:34

XƏBƏRLƏR / Qonşular

Ermənistan və Azərbaycan nümayəndələri sərhəddə görüşüb

Baş nazirin müavinləri Mher Qriqoryan və Şahin Mustafayev sərhəddə görüş keçirib

Ermənistan və Azərbaycan nümayəndələri sərhəddə görüşüb

  • Oxuma müddəti:

    1 dəqiqədən az

    • Ermənistan baş nazirinin müavininin ofisindən SputnikARM-a verilən məlumata görə, sentyabrın 5-də Ermənistan və Azərbaycan nümayəndə heyətlərinin qarşılıqlı səfərləri sərhədyanı rayonlara baş tutub.

    Ermənistan tərəfinin səfərləri Sünik (Zəngəzur) rayonunun cənubunda, Azərbaycan tərəfinin isə Zəngilan rayonunun cənubunda baş tutub.

    Nümayəndə heyətlərinə Ermənistan və Azərbaycan Dövlət Sərhədinin Demarkasiyası və Təhlükəsizliyi Komissiyasının, Müdafiə Nazirliyinin, Milli Təhlükəsizlik Xidmətinin, Xarici İşlər Nazirliyinin və Ərazi İdarəetmə Nazirliyinin nümayəndələri daxil olub.

    Növbəti iclasın nə vaxt, harada və gündəliyinin nə olacağı ilə bağlı suala baş nazirin müavininin aparatı cavab verməyib, yalnız bu məsələnin hələ müzakirə olunduğunu bildirib.