ANSTV
ANSÇM
Gürcüstan azərbaycanlıları İlham Əliyevə müraciət edib
Onlar quru sərhədlərin açılmasını xahiş ediblər
1 dəqiqə
Gürcüstanda yaşayan etnik azərbaycanlılar Azərbaycan Prezidenti İlham Əliyevə müraciət edərək adamların bir-birinə gedib-gələ bilməsi üçün quru sərhədlərin açılmasını xahiş ediblər.
Üç il əvvəl koronavirus pandemiyası səbəbindən Azərbaycanla Gürcüstan arasında quru sərhədləri bağlanıb.
Gürcüstanda yüz minlərlə azərbaycanlı, Azərbaycanda isə etnik gürcülər yaşayırlar. Onların çoxunu ailə bağları birləşdirir, lakin uzun müddətdir ki, bu yaxınlıqdan məhrumdurlar.
1 mindən çox adamın imzaladığı müraciətə Azərbaycanda yaşayan gürcülər də qoşulur, sənəddə qeyd olunur.
Müraciət gürcüstanlı hüquq müdafiəçisi, etnik azərbaycanlı Samirə Bayramovanın təşəbbüsü ilə tərtib edilib və sosial şəbəkələrdə yerləşdirilib.
Xatırladaq ki, Azərbaycanın bütün qonşu dövlətlərlə quru sərhədləri 24 mart 2020-ci il tarixindən vətəndaşlar üçün bağlıdır.
