ANSTV
ANSÇM
Gürcüstan və ABŞ Orta Dəhlizi müzakirə ediblər
Münasibətlərdə qeyri-müəyyənlik fonunda Gürcüstan Prezidenti və Xarici İşlər Naziri ABŞ-ın vitse-prezidenti ilə görüşüb
1 dəqiqə
ABŞ-da səfərdə olan Gürcüstan prezidenti Mixail Kavelaşvili və xarici işlər naziri Maka Boçorişvili ABŞ-ın vitse-prezidenti C.D.Vens və dövlət katibi Marko Rubio ilə görüşüblər. "Söhbətlər zamanı iki ölkənin ortaq dəyərlərinə xüsusi diqqət yetirilib", - Gürcüstan prezident administrasiyası bildirib.
Bundan başqa, Gürcüstan xarici işlər nazirinin müavini ABŞ Ticarət Departamentində Orta Dəhlizə investisiyaları müzakirə edib.
Laşa Darsalia Vaşinqtona səfəri zamanı ABŞ Ticarət Katibinin müavinləri Uilyam Kimmitt və Ceffri Kesler ilə görüşdü. Görüşdə Gürcüstanın ABŞ-dakı səfiri Tamar Taliaşvili də iştirak etdi.
Tərəflər logistika, regional ticarət, rəqəmsal texnologiyalar, süni intellekt və innovasiya sahələrində Gürcüstan-Amerika tərəfdaşlığının inkişafını müzakirə etdilər. Söhbət zamanı həmçinin mövcud infrastruktur layihələri, gələcək əməkdaşlıq perspektivləri və Gürcüstanın Orta Dəhlizin inkişafındakı rolu müzakirə edildi.
Yüksək texnologiyalar sektoruna Amerika investisiyalarının potensial cəlb olunmasına xüsusi diqqət yetirildi.
