Hakan Fidan Ukrayna məsələsi üçün Parisə gedir

Türkiyənin xarici işlər naziri Hakan Fidan iyulun 13-də Parisdə keçiriləcək "Könüllülər Koalisiyası"nın sammitində Türkiyə Prezidenti Rəcəb Tayyib Ərdoğanı təmsil edəcək. O, Ankaranın Ukrayna ilə bağlı danışıqlara öz ərazisində yenidən ev sahibliyi etməyə hazır olduğunu bəyan edəcək.

Bu barədə TASS yazır.

“Nazir Türkiyənin Rusiya və Ukrayna nümayəndə heyətlərini danışıqlar masasına qaytarmağa hazır olduğunu bəyan edəcək, onun üçün Qara dənizdə sülhün və sabitliyin qorunmasının vacibliyini vurğulayacaq və bu məqsədə çatmaq üçün səyləri dəstəkləməyə hazır olduğunu bildirəcək”, - mənbə qeyd edib.

Türkiyə Xarici İşlər Nazirliyi həmçinin bildirib ki, Fidan əlavə olaraq Parisdə, 2026-cı il iyulun 7-8-də Ankarada keçirilən NATO sammitində Türkiyənin Ukraynanın müstəqilliyi, suverenliyi və ərazi bütövlüyünə dəstəyini təsdiq edəcək qərarların Kiyev üçün potensial nəticələrini müzakirə etməyi planlaşdırır. “O, həmçinin Türkiyənin cəbhə xəttindəki hazırkı vəziyyətə və müharibəyə son qoymaq üçün diplomatik səylərdə əldə etdiyi irəliləyişlərə dair qiymətlərini verəcək”, - nazirlik bildirib.

Qeyd edək ki, ötən il İstanbulda Rusiya-Ukrayna birbaşa danışıqlarının üç raundu baş tutub. Türkiyə hakimiyyəti dəfələrlə Ukrayna üzrə danışıqlar və sammit üçün öz platformasını təqdim etməyə hazır olduqlarını dəfələrlə bəyan edib.