ANSTV
ANSÇM
Hərbi cani Robert Köçəryan Ermənistandan qaçmaq istəyib
Bu barədə Ermənistan mediası xəbər yayıb
1 dəqiqə
Ermənistan hakimiyyəti müxalifət bloku olan "Ermənistan"ın rəhbəri, keçmiş prezident və hərbi cani Robert Köçəryanın ölkəni tərk etməsinə qadağa qoyub.
Keçmiş prezidentin ofisinin rəhbəri Baqrat Mikoyan Ermənistan mediasına bildirib ki, "Robert Köçəryana Zvartnots hava limanında izahat verilmədən ölkəni tərk etmək qadağan edilib".
Bazar günü Köçəryanın ofisi onun ölkəni üç günlük tərk etmək planlarını açıqlayıb. Orada qeyd olunub ki, səfər şəxsi xarakter daşıyır, çoxdan planlaşdırılıb və seçki qrafikinin sıxlığı səbəbindən təxirə salınıb.
Bu arada Ermənistanın Baş naziri Nikol Paşinyan sosial mediada yayımladığı videomüraciətdə üç müxalifət qüvvəsinin liderlərinin - "Taşir" Qrupunun rəhbəri Samvel Karapetyan, Ermənistanın keçmiş prezidenti Robert Köçəryan və iş adamı Qaqik Tsarukyanın - "qırılacağı" bildirilib.
“Hətta seçki kampaniyası zamanı da demişdim ki, Ermənistandan qaçmaq fürsətini xəyal edəcəksiniz, amma belə bir fürsətiniz olmayacaq”, - deyə Paşinyan bildirib.
O qeyd edib ki, Ermənistanın keçmiş prezidenti Serj Sarkisyan da “unudulmayıb”.
