"Humanitar yüklərin Ağdam yolu ilə buraxılmasını istəyirik"
Bunu Rusiya Xarici İşlər Nazirliyinin sözçüsü Mariya Zaxarova deyib
!["Humanitar yüklərin Ağdam yolu ilə buraxılmasını istəyirik"](/uploads/images/2023/09/rs/image_750x_64f71a4930f7f-750-1080-resize.webp)
“Moskva humanitar yüklərin Ağdam marşrutu ilə maneəsiz buraxılmasının tərəfdarıdır”.
Bunu Rusiya Xarici İşlər Nazirliyinin sözçüsü Mariya Zaxarova gündəlik brifinq zamanı deyib.
Zaxarova Rusiyanın məsələni siyasiləşdirməyin əleyhinə olduğunu bildirib.
O qeyd edib ki, Moskva üçtərəfli razılaşmalar çərçivəsində hərəkət edir.
Rusiya XİN sözçüsü, həmçinin Ermənistan parlamentinin spikeri Alen Simonyanın onun dediklərini absurd adlandırmasına da münasibət bildirib:
"Mənə elə gəlir ki, bu publik ritorika kobudluğa bənzəyir, Ermənistanın siyasi xadimlərinə yaraşmır. Əgər onlar ekspertlər səviyyəsində, siyasi səviyyədə danışmaq istəyirlərsə, bizim Ermənistanla bütün istiqamətlər üzrə yaxşı kanallarımız var".