ANS Press

ANS Press

İyul 1, 2026 - 13:31 Yeniləndi: İyul 1, 2026 - 14:04

XƏBƏRLƏR / İctimaiyyət

I Qarabağ müharibəsinin itkin-şəhidi Xaçmazda dəfn olunub

Yarməmməd Nuriyev 1993-cü ilin dekabr ayında Cəbrayıl istiqamətində şiddətli döyüşlər zamanı itkin düşüb

I Qarabağ müharibəsinin itkin-şəhidi Xaçmazda dəfn olunub

  • Oxuma müddəti:

    1 dəqiqədən az

    • Birinci Qarabağ müharibəsində itkin düşmüş hesab olunan şəhid Yarməmməd Maqsud oğlu Nuriyevin meyitinin qalıqları Xaçmaz rayonuna gətirilib.

    Şəhidin nəşi Xaçmaz rayonunun Köhnə Xudat kəndində ailəsinə təhvil verilib.

    Daha sonra Yarməmməd Nuriyevin meyitinin qalıqları kənd qəbiristanlığında torpağa tapşırılıb. Dəfn mərasimində şəhidin doğmaları, rayonunun vəzifəli şəxsləri, ictimaiyyət nümayəndələri iştirak ediblər.

    Qeyd edək ki, Yarməmməd Nuriyev 1961-ci il dekabrın 29-da Xaçmaz rayonunun Köhnə Xudat kəndində anadan olub. O, 1993-cü ilin dekabr ayında Cəbrayıl istiqamətində şiddətli döyüşlər zamanı itkin düşüb.