ANS Press

ANS Press

Feb 20, 2024 - 12:54 Yeniləndi: Feb 20, 2024 - 14:01

XƏBƏRLƏR / İctimaiyyət

İmişlidə itkin düşmüş 11 yaşlı uşağın axtarışları davam edir

Uşağın kanalda batması ehtimal olunur FOTO

İmişlidə itkin düşmüş 11 yaşlı uşağın axtarışları davam edir

  • Oxuma müddəti:

    1 dəqiqədən az

    • 26 dekabr 2023-cü il tarixində İmişli rayonu, Qaragüvəndikli kəndində, Boztəpə kanalında batması ehtimal olunan 2013-cü il təvəllüdlü Xankişiyev Rasim Vasif oğlunun axtarışları Fövqəladə Hallar Nazirliyinin qüvvələri tərəfindən intensiv şəkildə davam etdirilir.

    Bu barədə FHN-in Mətbuat xidməti məlumat yayıb.

      Hazırda FHN-in Mülki müdafiə qoşunları, Kiçikhəcmli Gəmilərə Nəzarət və Sularda Xilasetmə Dövlət Xidməti, Xüsusi Riskli Xilasetmə Xidməti və Muğan Regional Mərkəzinin qüvvələri cəlb olunmaqla uşağın itkin düşdüyü ehtimal edilən istiqamətlər üzrə axtarış-xilasetmə tədbirləri həyata keçirilir.

      Ümumilikdə axtarış-xilasetmə əməliyyatlarına 75 nəfərdən ibarət şəxsi heyət, 2 xüsusi təlim görmüş it, 13 ədəd xüsusi texnika və nəqliyyat vasitəsi cəlb olunub.