ANS Press

ANS Press

Jan 28, 2024 - 12:20 Yeniləndi: Jan 28, 2024 - 12:43

XƏBƏRLƏR / Hərbi

İran Müdafiə Nazirliyi fəzaya eyni vaxtda 3 peyk göndərdi

Peyklər dar zolaqlı rabitə və geolokasiya texnologiyasını sınaqdan keçirmək üçün nəzərdə tutulub

İran Müdafiə Nazirliyi fəzaya eyni vaxtda 3 peyk göndərdi

  • Oxuma müddəti:

    1 dəqiqə

    • Bazar günü, yanvarın 28-də İran Müdafiə Nazirliyi tərəfindən hazırlanmış "Simurq" daşıyıcı raketindən istifadə edərək ilk dəfə olaraq üç peykin eyni vaxtda buraxılışını həyata keçirib.

    "Mahda", "Keyhan-2" və "Hatef-1" peykləri bazar günü Semnan əyalətindəki İmam Xomeyni Kosmik Mərkəzindəki buraxılış platformasından buraxılıb. “Simurq” (Feniks) daşıyıcı raketi İran Müdafiə Nazirliyinin mütəxəssisləri tərəfindən hazırlanıb”, – Press TV xəbər verir.

    Orbitə çəkisi 32 kq olan bir peyk və hər birinin çəkisi 10 kq-dan az olan iki nanopeyk göndərilib. Məlumata görə, iki kiçik gəmi dar zolaqlı rabitə və geolokasiya texnologiyasını sınaqdan keçirmək üçün nəzərdə tutulub. "Mahda" adlı və İran Kosmik Agentliyi tərəfindən inşa edilən daha böyük peyk "Simurq" raketinin kosmosa çoxlu faydalı yüklər çatdırmaqda dəqiqliyini yoxlamaq üçün nəzərdə tutulub.