İran Suriya, Livan və Cibutiyə də raket zərbələri endirəcək

SEPAH bu ölkələrdə ABŞ hərbçilərinin yerləşdirən otel sahiblərinə xəbərdarlıq edib

Oxuma müddəti:

1 dəqiqə

CNN-in İran xəbər agentliyinə istinadən verdiyi məlumata görə, İran Yaxın Şərqdəki otel sahiblərinə xəbərdarlıq edərək, Amerika hərbçilərinin yerləşdirilməsi üçün istifadə edilən otellərin və digər mülki obyektlərin bu cür fəaliyyətin davam edəcəyi təqdirdə "qanuni müdafiə hədəfləri" hesab edilə biləcəyini bildirib.

Yarı-rəsmi İran xəbər agentliyi Fars News "məlumatlı mənbələrə" istinadən bildirib ki, Amerika personalının yerləşdiyi yerlər Bəhreyn və Birləşmiş Ərəb Əmirlikləri ilə "məhdudlaşmır". Agentliyin məlumatına görə, xarici hərbçilər üçün alternativ yerlər Suriya, Livan və Cibuti də daxil olmaqla, regionun digər yerlərində müəyyən edilib.

İslam İnqilabı Keşikçiləri Korpusuna (SEPAH) yaxın olan Fars News-un istinad etdiyi mənbələr bildirib ki, İranın otel sahiblərinə xəbərdarlığı "hərtərəfli və qətidir". Orada iddia edilir ki, "coğrafi mövqeyindən asılı olmayaraq" xarici hərbçilərin yerləşdiyi hər hansı bir obyekt iddia edilən fəaliyyət dərhal dayandırılmadığı təqdirdə hücum üçün qanuni hədəf hesab ediləcək.