Iraq SOCAR-ı neft sektoruna sərmayə qoymağa dəvət edib
Bunu İraqın Baş naziri əl-Sudani Bağdadda Azərbaycanın xarici işlər naziri Bayramovla görüşündə deyib

İraq Azərbaycanın dövlət neft şirkəti SOCAR-ı ölkənin neft sektoruna sərmayə qoymağa dəvət edib.
Bunu İraqın Baş naziri əl-Sudani Bağdadda Azərbaycanın xarici işlər naziri Bayramovla görüşündə deyib.
"Hökumətin neft sektorunda layihələrin həyata keçirilməsi üçün Azərbaycanla ikitərəfli tərəfdaşlıq qurmaq niyyəti vurğulanıb", - İraq Baş nazirinin mətbuat xidmətinin bəyanatında deyilir.