İrəvanın mərkəzində "Qarabağ" mahnısı ifa edildi VİDEO

Bir qrup cənub azərbaycanlısı İrəvanın Respublika meydanında Azərbaycan dilində “Qarabağ” mahnısını ifa ediblər. VİDEO

Video hərbi cani Robert Köçəryana məxsus mediaresurslar və 'Müstəqil Strateji Araşdırmalar Mərkəzi"-nin Facebook səhifəsində paylaşılıb. Erməni mətbuatı yazır ki, bu addım Köçəryan haqda üzə çıxan faktlardan diqqəti yayındırmaq məqsədi güdür.

Bununla bağlı baş nazir Paşinyana yaxın olan Teleqram kanal yazır: "Qeyd edək ki, video Azərbaycan kanalları ilə deyil, Köçəryana yaxın olan “analitik mərkəzin” FB hesabı vasitəsilə yayılıb. Ən əsası isə bu, erməni mediasının Robert Köçəryanın Heydər Əliyevlə Qarabağ-Meqri mübadiləsi ilə bağlı danışıqlara dair məlumatların ABŞ Dövlət Departamenti tərəfindən sızılması səbəbindən sözün əsl mənasında partladığı anda baş verdi.

İsteriyanı yüksəltmək üçün heç bir səbəb yoxdur. Bu, hüquq-mühafizə orqanlarının məşğul olması lazım olan təxribatdır.  Lakin Köçəryanın mediasının fəaliyyətini dövlət əleyhinə fəaliyyətdən başqa ad vermək olmaz."

Bu gün Ermənistan Milli Təhlükəsizlik Xidməti məsələ ilə bağlı məlumat yayıb:

"Yanvarın 30-u axşam saatlarında yayılan video ilə bağlı bildiririk ki, videoda təsvir olunan şəxslər İran İslam Respublikasının vətəndaşlarıdır:

- Milad Ghahramaniafshar
- Behzad Qafari Şabanlu
- Mehdi Mohammadi
- Hamed Azizi Maleki
- Nader Ghafari

Göstərilən şəxslər 2024-cü il dekabrın 30-dan 2025-ci il yanvarın 3-dək Ermənistan Respublikasında olublar.

Milli Təhlükəsizlik Xidməti sizi yalan və təsdiqlənməmiş məlumat və şərhləri dərc etməkdən çəkinməyə çağırır."