ANS Press

ANS Press

İyun 30, 2026 - 12:17 Yeniləndi: İyun 30, 2026 - 12:22

XƏBƏRLƏR / Hərbi

İriçaplı pulemyot heyətinin 1-ci buraxılış mərasimi olub

Hərbi Hava Qüvvələrinin Təlim və Tədris Mərkəzində PUA və dronlarla mübarizə hazırlığı yoxlanılıb

İriçaplı pulemyot heyətinin 1-ci buraxılış mərasimi olub

  • Oxuma müddəti:

    1 dəqiqədən az

    • 2026-cı ilin hazırlıq planına uyğun olaraq, Hərbi Hava Qüvvələrinin (HHQ) Təlim və Tədris Mərkəzində "İriçaplı pulemyot heyətinin hazırlıq kursu"nun 1-ci buraxılış mərasimi keçirilib. 

    Bu barədə Müdafiə Nazirliyi məlumat yayıb.

    Azərbaycan Ordusunda hərbi qulluqçuların peşəkarlıq səviyyəsinin yüksəldilməsi və döyüş qabiliyyətinin artırılmasında bu cür kursların əhəmiyyəti xüsusi vurğulanıb.

    Məzunlar Müzəffər Ali Baş Komandan cənab İlham Əliyevin rəhbərliyi altında Ordumuzun daha da qüdrətlənməsi üçün üzərilərinə düşən vəzifə borclarını layiqincə yerinə yetirəcəklərinə söz veriblər.

    Sonra kursu müvəffəqiyyətlə bitirənlərə sertifikatlar təqdim olunub.