İsrailin Münhendəki baş konsulluğuna hücum olub

Bu barədə “Süddeutsche Zeitung” qəzeti məlumat yayıb

Taliya Lador

Oxuma müddəti:

1 dəqiqədən az

İsrailin baş konsulu Taliya Lador mayın 22-nə keçən gecə Münhendəki missiyaya hücum edildiyini açıqlayıb.

Bu barədə “Süddeutsche Zeitung” qəzeti məlumat yayıb.

“Bu gün İsrailin Münhendəki Baş Konsulluğuna hücum edilib. Bu, Almaniyanın cənubunda İsrail Dövlətinin rəmzinə hücumdur. Münhen polisinə sayıqlığına görə təşəkkür etmək istərdik. Son bir neçə ay ərzində bu cür hallar təkrar-təkrar baş verir”, - diplomat söyləyib.

Nəşr əlavə olaraq yazıb ki, konsulluğun ərazisinə butulka atılıb və onun içərisində yandırıcı qarışıq tapılıb.

Polis hadisə ilə bağlı araşdırmalara başlayıb.