ANSTV
ANSÇM
İstanbulda xəstəxanaya silahlı basqın olub, yaralananlar var
Bu barədə “TRT Haber” məlumat yayıb
1 dəqiqə
Türkiyənin İstanbul şəhərində xəstəxananın təcili yardım şöbəsinə silahlı hücum olub, 5 nəfər yaralanıb.
Bu barədə “TRT Haber” telekanalı xəbər verir.
“İstanbulun Bahçelievler rayonunda xəstəxananın təcili yardım şöbəsinə bir nəfər və ya bir qrup şəxs tərəfindən edilən silahlı basqın nəticəsində 5 nəfər yaralanıb. Hücum edənlərin şəxsiyyəti hələlik müəyyən edilməyib”, - telekanal məlumat yayıb.
Qeyd olunub ki, zərərçəkənlər arasında polis, jandarm və özəl təhlükəsizlik işçisi, eləcə də iki mülki şəxs var.
“Onların həyatı təhlükədə deyil. Xəstəxana binasına və təcili yardım maşınına da ziyan dəyib”, - məlumatda deyilir.
Hücum zaman istifadə edilən avtomobil daha sonra tərk edilmiş vəziyyətdə tapılıb.
Polis hadisə ilə bağlı araşdırmaları davam etdirir.
