İzmirdə fabrikdə partlayış: 10 ölü, 15 yaralı VİDEO

18:06

Türkiyənin İzmir vilayətinin Aliağa rayonunda yerləşən HABAŞ Dəmir-Polad Zavodunda partlayışda ölənlərin sayı 10-a çatıb.

Bu barədə İzmir Valiliyi məlumat yayıb.

Hadisə nəticəsinə 15 nəfərin yaralandığı bildirilir.

Baş vermiş partlayışla əlaqədar cinayət işi açılıb.

***

16:06

İzmirdə fabrikdə baş verən partlayış nəticəsində ölənlərin sayı altıya çatıb.

Bu barədə İzmir Valiliyinin açıqlamasında bildirilib.

Üçü ağır olmaqla 13 nəfər yaralanıb, dağıntılar altında qaldığı ehtimal edilən 8 nəfərin axtarışları aparılır.

Axtarış-xilasetmə tədbirləri davam etdirilir.

İlkin məlumatda partlayışda 3 nəfərin öldüyü,14 nəfərin yaralandığı, dağıntılar altında qaldığı ehtimal edilən 10 nəfərin axtarışlarının aparıldığı açıqlanmışdı.

VİDEO

***

15.15

İzmirdə fabrikdə baş verən partlayış nəticəsində 3 nəfər ölüb.

Bu barədə İzmir Valiliyinin açıqlamasında bildirilib.

Məlumata görə, partlayışda 14 nəfər yaralanıb. Dağıntılar altında qaldığı ehtimal edilən 10 nəfərin axtarışları davam etdirilir.

***

14.45

İzmirdə fabrikdə güclü partlayış baş verib.

Partlayış İzmirin Əliağa rayonunda yerləşən dəmir-polad fabrikində qeydə alınıb.

Partlayışın ardınca ərazidə böyük yanğın başlayıb.

İlkin məlumata görə, çoxsaylı ölü və yaralı var.