Küləkli hava şəraiti ilə bağlı gəmilərə xəbərdarlıq edildi
Bu barədə Dövlət Dəniz və Liman Agentliyindən bildirilib
![Küləkli hava şəraiti ilə bağlı gəmilərə xəbərdarlıq edildi](/uploads/images/2024/06/rs/image_750x_667c0f616a697-750-1080-resize.webp)
Rəqəmsal İnkişaf və Nəqliyyat Nazirliyi yanında Dövlət Dəniz və Liman Agentliyinin Gəmi Hərəkətinin İdarəedilməsi Mərkəzi küləkli hava şəraiti ilə bağlı gəmilərə xəbərdarlıq edib.
Bu barədə Dövlət Dəniz və Liman Agentliyindən bildirilib.
Məlumata görə, bu gün günün ikinci yarısından Xəzər Dəniz Akvatoriyasında müşahidə olunacaq şimal-qərb, şimal küləyi iyunun 27-si səhər saatlarına kimi davam edəcək: "Həmin günlər ərzində şimal-qərb, şimal küləyinin 18-23 m/s, arabir 25-28 m/s, açıq dənizdə isə 30 m/s-dək güclənəcəyi gözlənilir. Dalğanın hündürlüyünün 2-4 metr, sonrakı inkişafda 4,5-5,5 metrə çatacağı proqnozlaşdırılır".