ANSTV
ANSÇM
Laçın DSKM-də hərbi cani Levon Mnasakanyan saxlanılıb
Qarabağdakı işğalçı Ermənistan ordusunun keçmiş komandanı mülki şəxs kimi Ermənistana keçmək istəyib
1 dəqiqə
17:50
Qondarma rejimin sabiq "müdafiə naziri" Mnatsakanyan Laçında saxlanılaraq Bakıya gətirilib.
Bu barədə Dövlət Sərhəd Xidmətinin Mətbuat Mərkəzi məlumat yayıb.
Bildirilib ki, sentyabrın 29-da “Laçın” dövlət sərhədindən buraxılış məntəqəsində Dövlət Sərhəd Xidmətinin əməkdaşlarının sayıqlığı nəticəsində Azərbaycan Respublikası ərazisinə qeyri-qanuni gələrək 2015-2018-ci illərdə qondarma “Dağlıq Qarabağ Respublikasının Müdafiə naziri” vəzifəsində çalışmış 1965-ci il təvəllüdlü Lyova Henrixi Mnatsakanyan Azərbaycandan Ermənistan istiqamətində hərəkət etməyə cəhd göstərərkən saxlanılıb.
Saxlanılan şəxs Dövlət Sərhəd Xidmətinin Çevik Hərəkət Qüvvələri əməkdaşlarının müşayiəti ilə Bakı şəhərinə gətirilib və barəsində müvafiq qərar qəbul edilməsi üçün aidiyyəti dövlət orqanlarına təhvil verilib.
***
TASS xəbər verir ki, Laçın Dövlət Sərhəd Keçid Məntəqəsində Qarabağdakı işğalçı Ermənistan ordusunun keçmiş komandanı hərbi cani və qatı separatçı Levon Mnatsakanyan azərbaycan sərhədçiləri və xüsusi xidmət əməkdaşları tərəfindən saxlanılıb.
Azərbaycan tərəfi bu haqda hələ rəsmi məlumat verməyib.
