Livanda peycer partlayışlarında 9 ölü, minlərlə yaralı var

Ölkənin səhiyyə naziri bildirib ki, Livanda Hizbullah silahlı qruplaşması üzvlərinin ünsiyyət üçün istifadə etdiyi əl peycerlərinin partlaması nəticəsində biri uşaq da daxil olmaqla 9 nəfər həlak olub, 2800 nəfər yaralanıb. Bu barədə BBC xəbər verib. 

İranın dəstəklədiyi "Hizbullah" peycerlərin “Hizbullahın müxtəlif bölmə və qurumlarının əməkdaşlarına” aid olduğunu bildirib və səkkiz döyüşçünün həlak olduğunu təsdiqləyib.

Qrup İsraili "cinayətkar təcavüz” adlandırdığı hadisədə günahlandırıb və “ədalətli cəza” alacağına söz verib. İsrail ordusu şərh verməkdən imtina edib.

Partlayışlardan bir neçə saat əvvəl İsrailin təhlükəsizlik kabineti köçkünlərin təhlükəsiz geri qayıtmasına imkan vermək üçün "Hizbullah"ın ölkənin şimalına hücumlarını dayandırmağın rəsmi müharibə məqsədi olduğunu bildirib.

Ötən il oktyabrın 7-də Qəzzada İsrail və HƏMAS arasında müharibənin başlamasının ertəsi günündən İsrail-Livan sərhədində demək olar ki, hər gün atışma olub.

"Hizbullah" bildirib ki, qrup cib telefonlarının sındırılması və ya izlənilməsi riskinə görə rabitə üçün çox etibar etdiyi qeyri-müəyyən sayda peycerlər paytaxt Beyrutda və bir çox başqa yerlərdə yerli vaxtla saat 15:30-da (GMT 12:30) partlayıb. 

Əksəriyyət bel, üz, göz və əlindən yaralanıb.

Yaralıar arasında İran səfiri Moctaba Amani və həyat yoldaşı da var. 

Livanın Baş naziri Nəcib Mikati də partlayışlara görə İsraili günahlandıraraq, bunun “Livanın suverenliyinin ciddi şəkildə pozulması və bütün standartlara görə cinayət olduğunu” bildirib.

İranın xarici işlər naziri Abbas Araqçı bildirib ki, o, livanlı həmkarına “İsrail terrorunu qəti şəkildə pislədiyini” deyib.

İsrailin ən yaxın müttəfiqi olan ABŞ hər hansı müdaxiləsini rədd edib və İranı gərginliyi artırmamağa çağırıb.