Mahaçqalada ölənlərin sayı 35-a çatıb, 105 yaralı var

11:58

Rusiyanın Dağıstan Respublikasının Mahaçqala şəhərində yanacaqdoldurma məntəqəsində baş vermiş partlayış nəticəsində ölənlərin sayı 35-ə yüksəlib.

Rusiya mətbuatı xəbər verir ki, 100-dən çox yaralı var.

***

10:20

Rusiyanın Dağıstan Respublikasının paytaxtı Mahaçqala şəhərində yerləşən yanacaqdoldurma məntəqəsində baş verən partlayış nəticəsində ölənlərin sayı 30 nəfərə çatıb. Onlardan 3-ü azyaşlıdır. 105 yaralı var.

***

Rusiyanın Dağıstan Respublikasının paytaxtı Mahaçqala şəhərində yerləşən yanacaqdoldurma məntəqəsində baş verən partlayış nəticəsində ölənlərin sayı 27 nəfərə çatıb. Onlardan 3-ü azyaşlıdır. 

 Bu barədə Rusiyanın Fövqəladə Hallar Nazirliyi məlumat yayıb.

Hadisə nəticəsində 100 nəfər yaralanıb. Yaralılardan bəzilərinin vəziyyətinin ağır olduğu bildirilir.

Partlayışla bağlı Rusiya Cinayət Məcəlləsinin 238-ci maddəsinin 3-cü hissəsi (İstehlakçıların həyat və ya sağlamlığının təhlükəsizliyi tələblərinə cavab verməyən xidmətlərin göstərilməsi, iki nəfər və ya daha çox şəxsin ehtiyatsızlıqdan ölümünə səbəb olduqda) ilə iş başlanılıb.

Avqustun 15-də Dağıstanda Mahaçqalada fövqəladə hadisə zamanı həlak olanlar üçün matəm günü elan edilib. Bu barədə vilayət rəhbəri fərman imzalayıb.