ANS Press

ANS Press

Avqust 11, 2024 - 11:43 Yeniləndi: Avqust 11, 2024 - 14:02

XƏBƏRLƏR / İdman

Maqomedxan Maqomedov bürünc medal uğrunda görüşə çıxacaq

Bu gün Olimpiadanın son günüdür

Maqomedxan Maqomedov bürünc medal uğrunda görüşə çıxacaq

  • Oxuma müddəti:

    1 dəqiqə

    • Bu gün "Paris-2024" Yay Olimpiya Oyunlarına yekun vurulacaq.

    Yarışın sonuncu günündə Azərbaycanın sərbəst güləşçisi Maqomedxan Maqomedov bürünc medal uğrunda görüşə çıxacaq.

    97 kiloqram çəki dərəcəsində mübarizə aparan idmançı üçüncü yer uğrunda qarşılaşmada Nikolas De Lanq (CAR) – Murazi Mçelidze (Ukrayna) duelinin qalibi ilə üz-üzə gələcək. Görüş Bakı vaxtı ilə saat 14:35-də başlayacaq.

    Qeyd edək ki, hazırda aktivində 6 mükafat olan Azərbaycan millisi medal sıralamasında 28-ci pillədə qərarlaşıb. Cüdoçular Hidayət Heydərov (73 kiloqram) və Zelim Kotsoyev (100 kiloqram) Olimpiya çempionu olublar, taekvondoçu Qaşım Maqomedov (58 kiloqram) və boksçu Alfonso Dominqes (92 kiloqram) gümüş, yunan-Roma güləşçisi Həsrət Cəfərov (67 kiloqram) və sərbəst güləşçi Giorgi Meşvildişvili (125 kiloqram) isə bürünc medala sahib çıxıblar.