Ayasofyada təxribat edən 2 Rusiya vətəndaşı saxlanılıb

İstanbuldakı Ayasofya məscidində iki Rusiya vətəndaşı təxribat törədib. Onlar ziyarətçiləti veclərinə almayaraq, Tövratı  ucadan oxuyublar 

TASS xəbər verir ki, İstanbuldakı Rusiyanın Baş Konsulluğu əvvəllər rusiyalı Viktoriya və İqor Filonovun polis tərəfindən saxlanıldıqdan sonra deportasiya mərkəzinə aparıldığını bildirmişdi. Rusiya Miqrasiya İdarəsi onların deportasiyasını nəzərdən keçirir. Diplomatik missiya qeyd edib ki, rusiyalı diplomatlar məsələni nəzarətdə saxlayırlar.

Konsulluğun məlumatına görə, iyulun 14-də konsulluğa rusiyalıların qohumlarından saxlanılmaları barədə məlumat verən sorğu daxil olub. Rusiyalı diplomatlar dərhal Rusiya vətəndaşlarının aparıldığı İstanbuldakı Fatih polis bölməsi və Türkiyənin müvafiq orqanları ilə əlaqə saxlayırlar.

Hüquq-mühafizə orqanları rusları ziyarət edilən ərazidə ucadan Tövrat oxuduqları barədə xəbərdar etdikdən sonra saxlayıblar. Türkiyədə fəaliyyətdə olan məscidin içərisində xristian dini ayinlərini yerinə yetirmək və ya qeyri-müsəlman dini ədəbiyyatını nümayişkaranə şəkildə oxumaq ictimai asayişin pozulması hesab olunur.

Polis saxlanılan ruslara qarşı Türkiyə Cinayət Məcəlləsinin 216-cı maddəsi olan "Əhali arasında nifrət və ya düşmənçiliyin qızışdırılması və ya əhalinin müəyyən qruplarını alçaltmaq" maddəsi ilə protokol tərtib edib. Bu maddə, ictimai asayiş üçün potensial risk yaradarsa, altı aydan bir ilə qədər müddətə azadlıqdan məhrum etmə və xarici vətəndaşların deportasiyasını nəzərdə tutur.

2020-ci ilin iyul ayında Türkiyə Prezidenti Rəcəb Tayyib Ərdoğan əvvəllər muzey olan Ayasofyanın rəsmi olaraq məscid kimi yenidən təyin edilməsi barədə fərman imzalayıb.