ANS Press

ANS Press

Dec 8, 2024 - 15:45 Yeniləndi: Dec 8, 2024 - 16:48

XƏBƏRLƏR / Məhkəmə

"Meydan TV" işi üzrə saxlanılanlar 4 aylıq həbs ediliblər

İşə Xətai rayon Məhkəməsində baxılıb

"Meydan TV" işi üzrə saxlanılanlar 4 aylıq həbs ediliblər

  • Oxuma müddəti:

    1 dəqiqədən az

    • "Meydan TV" əməkdaşları – Ramin Cəbrayılzadə (Ramin Deko), Aynur Qəmbərova (Elgünəş), Aytac Əhmədova (Tapdıq), Aysel Umudova, Xəyalə Ağayeva, Natiq Cavadlı və Ülvi Tahirov barəsində həbs qətimkan tədbirinin seçilməsi ilə bağlı istintaq orqanın təqdimatına baxılıb.

    Xətai rayon Məhkəməsində hakim Sülhanə Hacıyevanın sədrliyi ilə ayrı-ayrılıqda qətimkanla bağlı təqdimatlara baxılıb.

    Qeyd edək ki, Daxili İşlər Nazirliyinin yaydığı məlumatda adıçəkilən şəxslərin ölkəyə qanunsuz xarici valyuta gətirməsi ilə bağlı daxil olan məlumat əsasında saxlanıldığını bildirib.

    Onlara Cinayət Məcəlləsinin 206.3.2-ci (qaçaqmalçılıq, əvvəlcədən əlbir olan bir qrup şəxs tərəfindən törədildikdə) maddəsi ilə ittiham verilib.

    Təqdimatlar təmin edilib və saxlanılan şəxslərin hər biri barəsində 4 ay müddətinə həbs qətimkan tədbiri seçilib.