Microsoft qlobal kompüter qəzasına qarşı Bərpa Aləti buraxdı

"Microsoft" "CrowdStrike" proqram yeniləməsinin səbəb olduğu qlobal kompüter qəzasını həll etmək üçün rəsmi "Recovery Tool" (Bərpa Aləti) buraxıb.

"3dnews"un məlumatına görə, yeni bərpa aləti problemin aradan qaldırılması prosesini əhəmiyyətli dərəcədə sadələşdirmək və sürətləndirmək üçün nəzərdə tutulub.

Təqdim edilməzdən əvvəl, xüsusilə yüzlərlə və ya minlərlə təsirlənmiş cihazı olan təşkilatlarda vaxt apara bilən əl ilə müdaxilə tələb edən yalnız addım-addım təlimat var idi.

Bərpa Alətindən istifadə etmək üçün şirkət ətraflı təlimatlar və lazımi şərtlərin siyahısını təqdim edib. Bunlara təsirə məruz qalan kompüterdə ən azı 8 GB boş yer, administrator hüquqları, BitLocker bərpa açarı (şifrələməli kompüterlər üçün) və ən azı 1 GB tutumlu yüklənə bilən USB disk daxildir.

Xatırladaq ki, kəsinti ötən cümə axşamı "CrowdStrike" yeniləməsinin cihazlarda avtomatik quraşdırıldığı zaman baş verib. Problem ondadır ki, "CrowdStrike" təhlükəsizlik həlli təminatçısı kimi əməliyyat sisteminin nüvəsi səviyyəsində işləyir. Bu səviyyədəki bir səhv kompüterlərin açılmaz hala gəlməsinə və bu da Mavi Ölüm Ekranına (BSoD) səbəb oldu.

"Microsoft" hesab edir ki, 8,5 milyondan çox "Windows" kompüteri problemli yeniləmədən təsirlənib. Bu, dünyadakı bütün "Windows" kompüterlərinin 1%-dən azını təşkil etsə də, kəsinti minlərlə təşkilata və kritik infrastruktura ciddi təsir göstərdi.

"Microsoft" müştərilərə kömək etmək üçün mütəxəssislər göndərərək vəziyyətə tez cavab verdi. Şirkət həmçinin "CrowdStrike", "Google Cloud Platform" və "Amazon Web Services" ilə birlikdə təsirlənmiş kompüterləri düzəltməyin ən effektiv yollarını tez tapmaq üçün işləmişdir.