ANSTV
ANSÇM
Mirzoyan Tehranda "3+3" formatındakı görüşdə iştirak edəcək
Bu barədə “Sputnik Armenia” xəbər verib
1 dəqiqə
Ermənistan xarici işlər naziri Ararat Mirzoyan sabah Tehranda "3+3" formatında keçiriləcək görüşdə iştirak edəcək.
“Sputnik Armenia”nın verdiyi xəbərə görə, bunu Ermənistan Xarici İşlər Nazirliyinin mətbuat xidmətinin rəhbəri Ani Badalyan bildirib.
Ani Badalyan deyib ki, Ararat Mirzoyan İran tərəfinin dəvəti ilə "3+3" formatında keçiriləcək görüşdə iştirak edəcək. Səfər çərçivəsində ikitərəfli görüşlərin keçirilməsi də planlaşdırılıb.
Qeyd edək ki, oktyabrın 23-də Tehranda "3+3" formatında (Azərbaycan, Türkiyə, Rusiya, İran, Ermənistan, Gürcüstan) xarici işlər nazirləri səviyyəsində görüş keçiriləcək.
Görüşdə regional məsələlərlə yanaşı, Azərbaycan və Ermənistan arasında sülh danışıqları da müzakirə mövzusu olacaq.
Bundan əvvəl Rusiya Xarici İşlər Nazirliyinin mətbuat xidmətinin rəhbəri Mariya Zaxarova Rusiya XİN başçısı Sergey Lavrovun oktyabrın 23-də Tehranda danışıqlarda iştirak edəcəyini təsdiqləyib.
