ANS Press
ANSTV
ANSÇM
1 dəqiqədən az
Moldova MDB ilə sazişləri denonsasiya etməyə başlayıb. Bu barədə TASS xəbər yayıb. Moldovanın xarici işlər və Avropaya inteqrasiya naziri Nikolay Popesku deyib: "Moldova bəyan edib ki, Avropa İttifaqına daxil olacaq, bütün xarici siyasət məqsədləri və beynəlxalq təşkilatlarda iştirak Avrointeqrasiya məqsədinə xidmət edəcək. Məqsədlərimizlə bir araya sığmayan MDB sazişlərindən çıxışın davam edəcəyi göz qabağındadır".
Popesku qeyd edib ki, Moldovanın müstəqillik illərində imzaladığı 330 müqavilənin bir çoxu ölkənin xeyrinə işləmir. Onun sözlərinə görə, ölkəsi bu həftə MDB sazişlərindən çıxacaq. "Bu günlərdə biz Moldovanın onlarla sazişdən çıxması prosesinə başlayırıq. Biz bu siyahını tərtib edirik və dərc edəcəyik. Təkcə Daxili İşlər Nazirliyinin xətti ilə 20 sazişi denonsasiya edəcəyik", - nazir əlavə edib.
