Moskva dərinləşən ABŞ-İrəvan əlaqələrindən narazıdır

ABŞ dövlət katibi Marko Rubio bildirib ki, Moskva Vaşinqtonun İrəvanla dərinləşən əlaqələrindən narazıdır.

"Ruslar Ermənistanla əlaqəmizdən o qədər də məmnun deyillər. Düşünürəm ki, ABŞ ilə artan münasibətlər fonunda hazırkı liderin (Nikol Paşinyan - ANSPress) seçkilərdə uduzmasını istədiklərinə dair əlamətlər var", - deyə Rubio qeyd edib.

Rusiya, İrəvan və Vaşinqton arasında münasibətlərin möhkəmlənməsi fonunda Ermənistanın Baş naziri Paşinyanın qarşıdan gələn seçkilərdə məğlub olmasında maraqlıdır. ABŞ dövlət katibi Rubio bunu Senatdakı dinləmələr zamanı bildirib.

Onun sözlərinə görə, Rusiya hakimiyyəti Ermənistanda artan Amerika iştirakından "o qədər də məmnun deyil". O qeyd edib ki, Moskvanın məhz Ermənistan-Amerika münasibətlərinin inkişafı səbəbindən ölkənin hazırkı rəhbərliyində dəyişiklik görmək istədiyinə dair əlamətlər var.

Dövlət katibi vurğulayıb ki, Vaşinqton Ermənistanın suverenliyini məhdudlaşdırmağa çalışmır və Yerevandan digər dövlətlərlə əlaqələrini kəsməyi tələb etmir. O bildirib ki, ABŞ sülh və iqtisadi layihələrə əsaslanan əməkdaşlığı inkişaf etdirməkdə maraqlıdır. Rubio belə layihələrdən biri kimi TRIPP təşəbbüsünü qeyd edib ki, bu, Ermənistan və Azərbaycan arasında sülhün möhkəmləndirilməsinə və regional əməkdaşlığın inkişafına töhfə verə bilər.