ANSTV
ANSÇM
Odessanı su basıb, biri uşaq olmaqla 9 nəfər batıb FOTO
Ukraynanın Fövqəladə Hallar üzrə Dövlət Xidməti xəbər verir
1 dəqiqədən az
Ukraynanın Fövqəladə Hallar üzrə Dövlət Xidmətinin məlumatına görə, Odessada leysan yağışlar və sonradan daşqınlar nəticəsində biri uşaq olmaqla 9 nəfər ölüb.
Sentyabrın 30-da axşam saatlarında şəhərə güclü yağış yağıb. Mer Gennadi Truxanovun sözlərinə görə, təxminən iki aylıq yağış cəmi 7 saat ərzində düşüb.
Kəskin hava ictimai nəqliyyatı iflic vəziyyətinə salaraq, onu tamamilə dayandırıb. Xilasedicilər bütün gecəni su basmış ərazilərdən insanları evakuasiya etməklə, avtomobilləri yedəkləməklə və binalardan su çəkərək çıxarıblar.
Fövqəladə Hallar üzrə Dövlət Xidməti 362 nəfərin xilas edildiyini, 227 avtomobilin təxliyə edildiyini bildirib.
Oktyabrın 1-də səhər saatlarında bəzi ictimai nəqliyyat vasitələrinin fəaliyyəti bərpa edilib, Truxanov bildirib.
