ANS Press

ANS Press

Avqust 5, 2024 - 18:20 Yeniləndi: Avqust 5, 2024 - 18:22

XƏBƏRLƏR / İdman

"Paris-2024": Murad Məmmədov ilk görüşündə uduzdu

O, 5:6 hesabı ilə uduzsa da, rəqibi finala yüksələcəyi təqdirdə təsəlliverici görüşlərə qatılmaq şansı əldə edəcək

"Paris-2024": Murad Məmmədov ilk görüşündə uduzdu

  • Oxuma müddəti:

    1 dəqiqədən az

    • Azərbaycanın daha bir yunan-Roma güləşçisi "Paris-2024" Yay Olimpiya Oyunlarında ilk görüşünü keçirib.

    60 kiloqram çəkidə mübarizə aparan Murad Məmmədov 1/8 finalda Venesueladan olan Rayber Joze Rodriges Oroskonu sınağa çəkib.

    M.Məmmədov 5:6 hesabı ilə uduzsa da, rəqibi finala yüksələcəyi təqdirdə təsəlliverici görüşlərə qatılmaq şansı əldə edəcək.

    Daha əvvəl Sabah Şəriəti (130 kiloqram) adını 1/4 finala yazdırıb.

    Qeyd edək ki, hazırda Azərbaycanın aktivində iki medal var. Cüdoçular Hidayət Heydərov (73 kiloqram) və Zelim Kotsoyev (100 kiloqram) Olimpiya çempionu olublar, boksçu Alfonso Dominqes isə finala vəsiqə qazanmaqla ən azı gümüş mükafatı təmin edib.