Payız fəsli Azərbaycana sentyabrın 22-də daxil olacaq

Bakı Dövlət Universitetinin Astrofizika kafedrasının məlumatı

Oxuma müddəti:

1 dəqiqədən az

Payız fəsli Azərbaycana sentyabrın 22-si saat 22:19-da daxil olacaq.

Bakı Dövlət Universitetinin Astrofizika kafedrasından verilən məlumata görə, bu zaman gecə ilə gündüz bərabərləşəcək və Günəş düz şərqdə doğub, qərbdə batacaq. Günəş ekliptika üzrə hərəkət edib ekvatoru kəsərək, Şimal yarımkürəsindən Cənub yarımkürəsinə keçəcək. Həmin andan Şimal yarımkürəsində payız, Cənub yarımkürəsində yaz fəsli başlayacaq.

Payız fəslinin uzunluğu 89 gün 20 saat 43 dəqiqə 45 saniyə olacaq.